ABŞ-dakı meşə yanğınları daha geniş miqyas alıb

Kolorado Universitetinin alimləri müəyyən ediblər ki, qlobal istiləşmə səbəbindən 2000-ci ildən bəri ABŞ-da meşə yanğınları daha böyük miqyas alıb.

Tədqiqatçılar 1984-2018-ci illər arasında baş vermiş və peyk müşahidə sistemləri tərəfindən qeydə alınan 28 000-dən çox yanğının məlumatlarını təhlil ediblər. Məlum olu ki, 2005-2018-ci illərdə ABŞ-ın bütün bölgələrində əvvəlki iki onillikdən daha çox yanğın baş verib. Yanğın tezliyi qərbdə və şərqdə iki dəfə, böyük düzənliklərdə isə dörd dəfə artdı.

Nəticədə hər il yanan torpağın miqdarı Qərbdə orta hesabla 4019 kvadrat kilometrdən 14249 kvadrat kilometrə, böyük düzənliklərdə isə 1204 kvadrat kilometrdən 3354 kvadrat kilometrə yüksəlib.

Mənbə: lenta.ru