Maştağada qəza: üç nəfər yaralandı, biri reanimasiyalıq oldu
Sabunçu rayonunda yol-nəqliyyat hadisəsi zamanı üç nəfər xəsarət alıb.
Bakunews.media xəbər verir ki, qəza Maştağa qəsəbəsində baş verib.
Belə ki, 1995-ci il təvəllüdlü Hüseynov Məhəmməd Fərhad oğlu idarə etdiyi minik avtomobili ilə hərəkətdə olarkən idarəetməni itirib.
Nəticədə avtomobil ağaca çırpılıb.
Hadisə zamanı nəqliyyat vasitəsinin sürücüsü və avtomobildə olan sərnişinlər, 1995-ci il təvəllüdlü Muradov Fuad Firuz oğlu və 1997-ci il təvəllüdlü Əliyev Taleh Nəriman oğlu xəsarət alıb.
Yaralılar 3 saylı Şəhər Xəstəxanasına yerləşdirilib. F.Muradovun qaraciyəri ağır zədələndiyindən reanimasiya şöbəsinə köçürülüb.
Faktla bağlı Sabunçu Rayon Polis İdarəsində araşdırma aparılır.
Kamil Əmirli
Elşad Mətləboğlu