Kreml: Azərbaycan Prezidenti və Ermənistanın baş naziri Moskvada görüşəcəklər

Kreml Azərbaycan Prezidenti İlham Əliyevlə Ermənistan baş naziri Nikol Paşinyan arasında Moskvada görüş olacağını təsdiqləyib.

“Report”un məlumatına görə, bu barədə Rusiya prezidentinin sözçüsü Dmitri Peskov bildirib.

O qeyd edib ki, görüş gələn həftə keçirilə bilər.

“Gələn həftə biz Avrasiya inteqrasiyası məsələləri ilə məşğul olacağıq. Moskvada Avrasiya İqtisadi Forumu və Ali Avrasiya İqtisadi Şurasının iclası olacaq. Biz gözləyirik ki, həm Prezident İlham Əliyev, həm də baş nazir Nikol Paşinyan Moskvada olacaqlar. Biz mümkün əlaqələr barədə sizə vaxtında məlumat verəcəyik”, - o bildirib.

0.97742009162903