Bəzi dövlət qurumlarına məxsus avtomobillər ucuz qiymətə satıldı
Sifarişlərin çoxluğu hərracı rəqabətli edib. Nəqliyyat vasitələrinin birinə edilən son təklif start qiymətindən dörd dəfə çox olub.
Bu barədə İqtisadiyyat Nazirliyi yanında Əmlak Məsələləri Dövlət Xidməti məlumat yayıb.
Bildirilib ki, fevralın 13-də keçirilən növbəti hərracda 15 nəqliyyat vasitəsi satılıb. Hərraca çıxarılan dövlət əmlaklarına ümumilikdə 74 sifariş qəbul edilib.
Hərrac rəqabətli olub. Belə ki, “Iveco” markalı avtobusun start qiyməti 7 500 manat olsa da, son təklif 28 200 manata yüksəlib. İlkin qiyməti 3 500 manat olan VAZ-21214 markalı avtomobil isə 4 800 manata özəlləşdirilib.
Hərracda satılan nəqliyyat vasitələrinin siyahısı ilə bu link vasitəsilə tanış olmaq olar.
Son yazılar
