Suraxanıda avtomobil 57 yaşlı kişini vurdu
Bakıda piyadanın xəsarət alması ilə nəticələnən yol-nəqliyyat hadisəsi baş verib.
“Report”un məlumatına görə, hadisə Suraxanı rayonunda qeydə alınıb.
Qaraçuxur qəsəbəsində avtomobil yolu keçən 1963-cü il təvəllüdlü Orucov Qurban Məmməd oğlunu vurub.
Yaralı təcili yardımın köməkliyi ilə 3 saylı şəhər Kliniki Xəstəxanasına çatdırılıb. Müayinə zamanı ona qarın və döş qəfəsinin küt travmaları diaqnozları qoyulub.
Faktla bağlı araşdırma aparılır.