Türkiyə Mədəniyyət və Turizm Nazirliyinin xətti ilə Azərbaycandan bir qrup media mənsubu avqustun 14-17 tarixlərində Türkiyənin Giresun və Ordu şəhərlərinə səfər şərçivəsində Giresunun ən əhəmiyyətli turistik yerlərindən biri Giresun qalasında olub.

Giresun qalası şəhərin şimalında, yarımadanın şəhərinə baxan təpədə yerləşir. Qalanın günümüzə qədər gəlib çatmış qalıqları mərkəzi qüllə və onun cənub şəhər divarlarıdır. Şəhər divarlarının alt hissəsində düzbucaqlı iri daş bloklardan ibarət hissə divarların və qalanın Helenistik və Roma dövrünə aid olduğu təəssüratını yaradır.

Giresun qalası dənizi və quruyu nəzarət altında saxlaya biləcək strateji bir nöqtədə qurulub. Qalanın nə vaxt yarandığı və hansı yaşayış məskəni olduğu barədə dəqiq məlumat yoxdur. Bəzi mənbələr Kerasus adlı yaşayış məntəqəsinin və ya qalanın eramızdan əvvəl 670-ci illərdə Qara dəniz bölgəsində koloniyalar yaratmağa başlayan Miletlilər tərəfindən qurulduğunu iddia etsə də, qalanın əsasını eramızdan əvvəl 183-cü ildə Sinopu ələ keçirdikdən sonra bölgəni ələ keçirən Pontus kralı I Pharnakes (e.ə. 190-169) qoyduğu fikri hakimdir.

Məskunlaşmanın qala ilə eyni dövrdə başladığı düşünülən Giresun adasında aparılan qazıntılar zamanı ortaya çıxan arxeoloji tapıntılar Arxaik Dövrə (e.ə. 1050-600) aiddir. Qalanın nə zaman türklərin tabeliyinə keçdiyi tam aydınlaşdırılmayıb. Bəzi tarixçilər qalanın 1341-ci ildən az əvvəl Çepni türkmənlərinin basqınları zamanı ələ keçirildiyini bildirirlər. 1461-ci ildə Trabzonun Fateh Mehmet tərəfindən alınması ilə Giresun şəhəri və qalası daimi olaraq türklərin əlinə keçdi.

Qalanın dənizə hakim olması və ticarət yollarının qovşağında yerləşməsi onun sahil nəzarəti məqsədilə hərbi tikili olduğunu göstərir. Qalanın ən hündür yerində Topal Osmanın məzarı, dənizə baxan şimal yamacında isə Hacı Bektaşi Vəlinin şagirdi Qurban Dədənin şəhadəti və türbəsi var.

Tarixi qala şəhərin mərkəzində yerləşir və möhtəşəm mənzərəsi var. Bundan əlavə, qala daxilindəki muzey ziyarətçilərə şəhərin tarixi və mədəniyyəti ilə daha yaxından tanış olmaq imkanı yaradır.

Avrasiya.net