Bakının Zərdabi prospektində ZƏNCİRVARİ QƏZA
Bu gün Bakıda metronun "20 Yanvar" stansiyası yaxınlığında zəncirvari yol-nəqliyyat hadisəsi baş verib.
Bakunews.media xəbər verir ki, bununla bağlı sosial şəbəkədə videogörüntü paylaşılıb.
Bakı Şəhər Dövlət Yol Polisi İdarəsinin (BŞDYPİ) baş inspektoru, polis baş leytenantı Rüstəm Əhmədli Bakunews.media-a açıqlamasında faktı təsdiqləyib.
"Hadisə bu gün, 30 oktyabr saat 13:00-da Zərdabi prospektində qeydə alınıb.
Belə ki, "Hyundai" markalı 90-JO-641 dövlət nömrə nişanlı yük maşını, 77-HZ-813 dövlət nömrə nişanlı "BMW F10" və 10-JN-005 dövlət nömrə nişanlı "Toyota Camry" markalı minik avtomobilləri toqquşub. Hadisə nəticəsində xəsarət alan olmayıb.
Fakt üzrə Bakı Şəhər Dövlət Yol Polisi İdarəsində araşdırma aparılır",- deyə R. Əhmədli bildirib.
Əzizə İsmayılova
Son yazılar
