Azərbaycan Qida Təhlükəsizliyi Agentliyinin (AQTA) adından istifadə edərək rüşvət verməyə təhrik etmədə təqsirləndirilən Elnur Rzayev barəsində olan hökmdən kassasiya şikayəti verib.

Bakunews.media xəbər verir ki, təqsirləndirilən şəxs şikayətinin araşdırılması üçün Ali Məhkəməyə müraciət edib. 

Şikayət hakim Hafiz Nəsibovun icraatına verilib.

AQTA ilə Baş prokuror yanında Korrupsiyaya qarşı Mübarizə Baş İdarəsi tərəfindən aparılmış birgə araşdırmalar nəticəsində Rzayev Elnur Qadir oğlu və Vəliyev Səfər Məhəmməd oğlunun qabaqcadan əlbir olub cinayət əlaqəsinə girməklə, uzun müddət ərzində Bakı şəhəri və respublikanın ayrı-ayrı rayonlarında fəaliyyət göstərən ərzaq mağazaları sahiblərinə özlərini AQTA-nın əməkdaşları kimi göstərərək, mağazalarda yoxlama aparılmaması müqabilində sahibkarları rüşvət verməyə təhrik edərək, onlardan pul almalarına dair əsaslı şübhələr müəyyən edilib.

E.Rzayev və S.Vəliyevə Cinayət Məcəlləsinin 310 (vəzifəli şəxsin səlahiyyətlərini mənimsəmə) və 32.4, 312.2-ci (rüşvət verməyə təhrik etmə) maddələri ilə ittiham elan edilməklə, barələrində məhkəmənin qərarı ilə həbs qətimkan tədbiri seçilib.

Bakı Ağır Cinayətlər Məhkəməsinin hökmü ilə hər iki şəxs altı il müddətinə azadlıqdan məhrum edilib.