Floridadan olan Ariana Rey Delf “Epşteyn-Barr” virusu nəticəsində yaranan infeksion mononukleoza görə 17 yaşında dünyasını dəyişib. Yoluxma adətən tüpürcək yolu ilə həyata keçdiyindən, bu xəstəliyə “öpüş xəstəliyi” də deyilir.

Bu barədə “Rossiyskaya Qazeta” xəbər verib.

Valideynləri bildirirlər ki, qız əvvəlcə baş ağrısı və ciddi yorğunluqdan şikayət edib. Sonra onda 3 həftə ərzində qrip əlamətləri görünüb. Həmin vaxt tibb işçiləri diaqnoz qoya bilməyiblər.

Amerikalı qızda qusma başlayanda isə xəstəxanaya yerləşdirilir. Xəstəxanada 17 yaşlı qızda beynə ciddi zərər vuran insult qeydə alınıb. İlk simptomlardan 3 həftə sonra pasient vəfat edib.

Tibb işçilərinin sözlərinə görə, mononukleoz insanı tükədə bilər, adətən Ariana Rey Delfsdəki kimi nəticələr olmur. Ölüm halları da çox nadir qeydə alınır. Qızda xəstəliyin belə ağırlaşmasının nə ilə əlaqədar olduğu barədə mütəxəssislər rəy verməyiblər.

Qeyd edək ki, “Öpüş xəstəliyi” adətən uşaqlarda görünür, halsızlıq, boğaz ağrısı, limfa düyünlərinin böyüməsi və qızdırma ilə müşahidə edilə bilir. Xəstəliyin yoluxaraq inkişaf etməsi və müddəti isə ona yoluxan adamın ümumi müqavimətindən asılı olur. Xəstəlik 2 həftə gizli qalır və özünü insanlarda boyun limfa düyünlərinin böyüməsi ilə göstərir. Sonra virus limfadan qan vasitəsilə bütün orqanizmə yayılır və badamcıqların böyüməsi, boğazda qızartı, yüksək qızdırma ilə müşayiət olunur. 20% xəstələrdə qara ciyərin böyüməsi müşahidə edilir. Öpüş xəstəliyi insanda 7-8 gün 39-39,5 qızdırma ilə müşahidə edilir. Xəstəliyin əlamətləri isə heç bir antibiotik vasitəsilə aradan qalxmır. “Öpüş xəstəliyi” ağır gedişə malik olan xəstəliklərdən hesab edildiyinə görə diaqnozun təsdiq edildiyi şəxsi ən azı 15 gün ətrafdakılardan tədric eləmək lazımdır. Xəstəlik zamanı dalağın və qara ciyərin böyüməsinı nəzərə alaraq mütləq həkimə müraciət etmək və xəstənin istifadə etdiyi bütün əşyaları ayırmaq lazımdır.