Qarşı zolağa keçən avtobus ağır qəza törətdi: Üç ölü, 16 yaralı - FOTO
Ukraynanın Çerniqovşina ərazisində “İveco” markalı yük avtomobili ilə “Neoplan” avtobus toqquşub.
Faktu.ua-nın xəbərinə görə, qəza zamanı avtobusda olan sürücü və iki sərnişin ölüb.
Avtobusun sürücüsü ötmə əməliyyatı zamanı qarşı zolağa keçərək yük avtomobili ilə toqquşub.
Zərbənin təsirindən yük avtomobilində olan preslənmiş kağız rulonları yaxından keçən “Toyota Camry” avtomobilinə zərər yetirib.
Yük avtomobilinin serbiyalı sürücüsü, minik avtomobilindəki sərnişin, avtobusda olan növbətçi sürücü və sərnişinlər daxil olmaqla 16 nəfər yaralanaraq xəstəxanaya yerləşdirilib.
Hüquq-mühafizə orqanları avtobusda səkkiz aylıq körpəsi olan sərnişini yaxınlıqda olan yaşayış məskəninə yerləşdiriblər.
Hadisə ilə bağlı cinayət işi açılıb.
Son yazılar
