Tripolidə hava hücumu zamanı 28 hərbi kursant həlak oldu
Liviyanın paytaxtı Tripoliyə qarşı keçirilən hava hücumu zamanı azı 28 hərbi kursant həlak olub, 18 nəfər yaralanıb.
“Afrigatenews” portalı xəbər verir ki, bu haqda Liviyanın Milli Barışıq Hökumətinin nümayəndələri “Facebook”da məlumat yayıblar.
Məlumata əsasən, paytaxtın Al-Hadbe rayonunda yerləşən hərbi kollecinə hava zərbəsi endirilib. Hücuma görə məsuliyyət Həlifə Həftarın başçılıq etdiyi silahlı qüvvələrin üzərinə qoyulub.
Kursantların ölməsi haqqında xəbərin yayılmasından sonra Tripoli və digər böyük şəhərlərdə hava zərbələrini pisləyən kütləvi etiraz aksiyaları keçirilib.
Son yazılar
