Şirvanda dəm qazı faciəsi: Ər öldü, arvadı reanimasiyadadır
Şirvanda dəm qazından zəhərlənmə hadisəsi baş verib.
APA xəbər verir ki, hadisə şəhərin M.Mirzəyev 23 ünvanında yerləşən fərdi yaşayış evində olub.
Şirvan sakinləri olan ər və arvad – 1978-ci il təvəllüdlü Asim Süleymanov və onun həyat yoldaşı 1983-cü il təvəllüdlü Süleymanova Zeynəb Akif qızı Şirvan Şəhər Mərkəzi Xəstəxanasının reanimasiya şöbəsinə çatdırılıb.
Asim Süleymanov reanimasiyaya daxil olana qədər yolda keçindiyi qeyd edilib.
Faktla bağlı araşdırma aparılır.