İpoteka və Kredit Zəmanət Fondunda yoxlama aparılması təklif edilib - FOTO
“Biz deputatlar, o cümlədən mən, hər zaman deyirik, filankəs oğurladı, filankəs qaçdı”.
APA xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikası Hesablama Palatasının 2023-cü ildə fəaliyyəti haqqında Hesabat”ın müzakirəsi zamanı deputat Rüfət Quliyev deyib.
Deputat təklif edib ki, biz nümunəvi qurumları müəyyənləşdirək:
“Yəni hansı qurumda pozuntu olmayıbsa, bunu açıqlaya bilərik”.
Deputat qeyd edib ki, hesabatda yayınma, itki, kənarlaşma, mənimsəmə ifadələri var:
“Bunların ən çoxu satınalmalarla bağlıdır, daha dəqiq olmalıyıq. 0,2 milyon manat və 0,5 milyon manat qayıdışla bağlı rəqəmlər görürük. Sonda İpoteka və Kredit Zəmanət Fondu var, üç milyard manatdan çox o fondun xətti ilə kreditlər ayrılıb. Bu fond yoxlanılıbmı və ya yoxlanılacaqmı?”
Son yazılar
