Yevlaxda iki avtomobil toqquşdu: Üç azyaşlı yaralandı
Yevlax rayonunda yol-nəqliyyat hadisəsi baş verib.
"Unikal"ın məlumatına görə, hadisə rayonun Kür çayı üzərindən keçən nəqliyyat körpüsündə qeydə alınıb.
Belə ki, VAZ-2101 markalı avtomobil "QAZel"lə toqquşub.
Qəza nəticəsində VAZ-2101 avtomobilində olanlar ağır vəziyyətdə yaralanıblar. Aralarında durumu ciddi olan ailənin üç azyaşlı övladı da var. 2018-ci il təvəllüdlü Samirə Rasim qızı Rəsulova, 2017-ci il təvəllüdlü bacısı Rasiyə Rəsulova ağır vəziyyətdə xəstəxanaya çatdırılaraq reanimasiya şöbəsinə yerləşdiriliblər. Onların 2019-cu il təvəllüdlü qardaşı Ceyhun Rəsulova isə zəruri tibbi yardım göstərildikdən sonra durumu stabilləşib.
Faktla bağlı araşdırma aparılır.
Son yazılar
