Yeni istifadəyə verilmiş qatarları daşa tutdular
Bayram günlərində "Azərbaycan Dəmir Yolları" (ADY) QSC-nin yeni istifadəyə verilmiş "Stadler" qatarlarına 5 dəfə daş atılıb.
ADY-dən Bakunews.media-a verilən məlumata görə, bu məsuliyyətsiz davranış qatar personalı və sərnişinlərin həyatını təhlükəyə atır, qatarların hərəkətinə maneələr yaradır və yubanmalara səbəb olur.
"Bu əməlləri törədənlər cəzasız qalmır, Azərbaycan Respublikasının qanunvericiliyinə uyğun məsuliyyətə cəlb olunurlar və dövlət əmlakına vurduqları maddi ziyanı qarşılamalı olurlar", - məlumatda qeyd olunur.
Qeyd edək ki, 2024-cü ildə ADY-nin dəmiryol xətlərinə 60-a yaxın kənar müdaxilə edilib, 25 daşatma hadisəsi qeydə alınıb.
Son yazılar
