Qalmaqallı icra başçısına hökm çıxaran hakimin iş yeri dəyişdirildi
Bakı Ağır Cinayətlər Məhkəməsində hakimlərin sayı artırılıb.
"Qafqazinfo"nun əldə etdiyi məlumata görə, Gəncə Ağır Cinayətlər Məhkəməsinin hakimi Elmin Rüstəmov sözügedən məhkəməyə ezam edilib.
Belə ki, Bakı Ağır Cinayətlər Məhkəməsində iki hakim yaxın vaxtlarda təqaüdə çıxacaq. Onlardan biri Əhməd Quliyevdir. E.Rüstəmov Ə.Quliyevin olduğu tərkibə daxil edilib.
Binəqədidə mebel sexində baş vermiş yanğına görə ittiham olunan Tağı İbrahimov və Toğrul Rzayevin işinə Elmin Rüstəmovun sədrliyi ilə baxılacaq.
Qeyd edək ki, Elmin Rüstəmov ictimaiyyətin diqqət mərkəzində olan bir sıra cinayət işlərini araşdırır. Onların arasında Şəmkirin sabiq icra başçısı Alimpaşa Məmmədovun işi də var. Onun çıxardığı hökmə əsasən, qalmaqallı icra başçısı 11 il 6 ay müddətinə azadlıqdan məhrum edilib.
Son yazılar
