Göygöldə ayı kəndə hücum etdi: Dövlət qurumları hərəkətə keçdilər
Göygöl rayonu Toğanalı kəndində ayının insanların yaşadığı evlərin həyətinə girməsi ilə bağlı rəsmi açıqlama verilib.
Daxili İşlər Nazirliyinin (DİN) Mətbuat Xidmətindən Bakunews.media-a bildirilib ki, aidiyyəti dövlət qurumu ilə birgə müvafiq tədbirlər görülür.
Əzizə İsmayılova
Göygöl rayonunun bir sıra kəndləri ayı hücumuna məruz qalıb.
"Report"un məlumatına görə, Göygöl rayonu Toğanalı kəndində ayı insanların yaşadığı evlərin həyətinə daxil olub.
Toğanalı kəndinə qonaq qismində gedən Rövşən Əmiraslanoğlu gecə saatlarında həyətdə səs eşitdiyini bildirib. O, həyətə çıxan zaman ayının çəpəri dağıdaraq həyətə daxil olduğunu görüb.
"Mən təxminən 4-5 metr ondan aralıda idim. Əl fənərinin işığını ayıya tərəf tutdum. Xoşbəxtlikdən ayı mənə hücum etmədi. Haradasa, on saniyədən çox ayı işığa doğru baxdı və sonra qonşunun həyətinə tərəf qaçdı".
Qeyd edək ki, bir neçə ay öncə Göygöl rayonun digər kəndlərində də ayı sakinlərin təsərrüfatına hücum edib. Sakinlər ac ayının onlara xəsarət yetirəcəyindən ehtiyat edirlər.
Son yazılar
