"Alov Qüllələri" arasındakı kəndirdə gəzən kişi sosial şəbəkə istifadəçilərini panikaya saldı
Bakıda alatoran vaxtı "Alov Qüllələri" binaları arasında çəkilən ip üstündə gəzən kəndirbaz sakinlərin diqqətini çəkib.
Bakunews.media xəbər verir ki, bununla bağlı sosial şəbəkədə videogörüntü yayılıb.
Məsələnin nə olduğunu bilməyən sosial şəbəkə istifadəçiləri arasında panika yaranıb.
Məsələni araşdırmaq üçün "Alov Qüllələri" ilə əlaqə saxladıq.
Qurumun satış və marketinq direktoru Doğu Yaman Bakunews.media-ın sorğusuna cavab olaraq enerji içkisi şirkətlərindən birinin Azərbaycan və Bakının qlobal tanıtımı üçün Dövlət Turizm Agentliyinin dəstəyi ilə reklam çarxı çəkdiyini bildirdi. Onun sözlərinə görə, "ip üzərində akrobatika" səhnəsi videoçarxın bir hissəsi olacaq.
Məsələ ilə bağlı həm də Dövlət Turizm Agentliyi ilə əlaqə saxladıq.
Agentliyin Mətbuat Xidmətindən Bakunews.media-ın sorğusuna cavab olaraq kəndirbazlıq səhnəsinin videoçarx üçün çəkildiyi təsdiqlədi.
Əzizə İsmayılova
Son yazılar
