UEFA ÇL: Liqa mərhələsində III turun ilk oyun günündən sonra turnir cədvəlində vəziyyət
Ötən gecə UEFA Çempionlar Liqasının Liqa mərhələsinin III turunun ilk oyun günündən sonra turnir cədvəlində dəyişiklik olub.
Bakunews.media xəbər verir ki, hər üç görüşdə qələbə qazanan "Aston Villa" doqquz xalla turnir cədvəlinin vahid lideridir. Hərəyə yeddi xalı olan "Monako", "Sportinq" və "Arsenal" 2-4-cü yerləri bölüşürlər.
Aktivində altı xalı olan "Borussiya Dortmund", "Brest", "Benfika", "Bayer Leverkuzen", "Real Madrid", "Liverpul" və "Yuventus" 5-11-ci pillələrdə qərarlaşıblar.
Hərəyə dörd xalı olan "Mançester Siti", "İnter", "Sparta Praqa", "Atalanta", "Ştutqart" və PSJ isə 12-17-ci sıralarda yer alıblar.
18-26-cı yerləri bölüşən "Bavariya", "Barselona", "Jirona", "Milan", "Lill", "Seltik", "Feyenoord", "Atletiko Madrid" və "Brügge"nin isə aktivində üç xalı var. PSV iki xalla 27-ci sıradadır.
Hərəyə cəmi bir xalı olan "Boloniya", "Şaxtyor" və "Dinamo Zaqreb" 28-30-cu pillələri bölüşürlər.
Xalsız olan "Leypziq", "Şturm Qraz", "Zalsburq", "Yanq Boyz", "Srvena Zvezda" və "Slovan Bratislava" isə 31-36-cı yerlərdə qərarlaşıblar.
Son yazılar
