COVID-19-a görə yaranan panikanı axmaqlıq adlandıran Mask 5,5 milyard dollar itirdi

“SpaceX” aerokosmik şirkətinin təsisçisi və “Tesla”nın rəhbəri İlon Maskın sərvəti son bir həftədə 18% azalıb.

Bu barədə “Forbes” yazır.

Belə ki, “Tesla”nın səhmlərinin dəyərinin 22% düşməsi fonunda Mask 5,5 milyard dollar itirib.

Hazırda onun sərvəti 31,1 milyard dollara müvafiqdir.

Qeyd edək ki, Maskın şirkətinin səhmlərinin dəyəri 1987-ci ildən bəri ABŞ bazarlarının ən böyük çökməyi fonunda düşüb. Belə ki, “Dow Jones”, “S&P 500” və “NASDAQ”ın indeksləri təxminən 10% azalıb. Nəticədə, dünyanın 20 ən zəngin insanı məcmu olaraq, təxminən 80 milyard dollar itirib.

Xatırladaq ki, İlon Mask cəmiyyət arasında koronavirusa görə yaranmış panikanı martın 6-da özünün bloqunda axmaqlıq adlandırmışdı. O, belə bir bəyanatı epidemiyanın “Tesla”nın da işinə təsir etməsinə baxmayaraq etmişdi. Belə ki, yanvar ayının sonunda Çinin avtomobil akkumulyatorları, eləcə də “Model 3” və “Model Y” istehsal edən “Gigafactory” zavodu bağlanmışdı.