Baku News Azərbaycan Liberal Demokrat Partiyasının (ALDP) Mətbuat Xidmətinə istinadən xəbər verir ki,  müxalifət partiyalar və İctimai təşkilatların on-line toplantı keçirilib və müraciət qəbul olunub. On-line toplantıda iştrak edən təşkilatların siyahısı:

1. Azərbaycan Milliyyətçi Demokrat Partiyasının (AMDP) sədri Qələndər Muxtarlı
   2. Azərbaycan Liberal Demokrat Partiyasının (ALDP) sədri Fuad Əliyev

3.Demoratik Dəyişim Platformasının (DDP) sədri Əli Mustafa
4.Azərbaycan Xalq Hərəkatının (AXH) sədriİlyas Abdullayev
5.Çağdaş Turan Partiyasının (ÇTP) sədri Cahandar Bayoğlu
6. Azərbaycan Demokratiya və Rifah Hərəkatının (ADR) sədri Qubad İbadoğlu
7. Azərbaycan Əfqan Döyüşçüləri Cəmiyyətin sədri Cavanşir Osmanlı
8. Kəlbəcərə Qayıdış Birliyinin sədri Abışov Ramiz
9. İrəvan Azəadlıq Təşkilatının sədri Təbriz Musayev
10. Laşına Qayıdış Cəmiyyətinin sədri İlqar Mahmud
11. Bütöv Azərbaycan Ocaqları təşkilatının sədri Paşa Həsənli
12. Azad Azərbaycan Partiyasının (AAP) sədri Həsən Həsənov
13. Gənc Aydınlar Hərəkatı təşkilatının sədri Aqil Səmədbəyi
14. Qlobal İnteqrasiya və Dialoq Təşkilatının sədri Yasəmən Qaraqoyunlu
15. Qarabağa Qayıdış İctimai Birliyinin sədri Vaqif İsmayılov

Toplantıda Azərbaycanda olan Türkiyə silahlı qüvvələrinin  millətimiz üçün həyati əhəmiyyət kəsb etdiyini, Azərbaycan-Türkiyə strateji əməkdaşlığının ən yüksək səviyyəyə qaldırılmasını və iki qardaş dövlət arasında hərbi-siyasi blokun yaradılmasını zəruri hesab olunmuşdu.

Bununla bağlı Azərbaycan və Türkiyə prezidentlərə müraciət qəbul olunmuşdu. Müraciətdə deyilir:

Azərbaycan Respublikasında fəaliyyət göstərən
ictimai-siyasi təşkilatların

M Ü R A C İ Ə T İ

Türkiyə və Azərbaycan yalnız qardaş, dost dövlətlər deyil həm də eyni milli-mənəvi, mədəni və genetik köklərə malik millətin qurduğu dövlətlərdi. “Bir millət iki dövlət” deyimi də məhz buradan qaynaqlanır. Elə buna görədə hər iki dövlətimizin hədəfləri ortaq, xarici siyasəti ortaq, dost və düşmənlərimiz də eynidir. Dövlətlərimizi gözü götürməyən, millətimizin layiq olduğu qüdrətə sahib olmasını istəməyən, hər sahədə düşmənçilikdən əl çəkməyən bəzi güclər hər iki dövlətimizə qarşı eyni mövqedən çıxış edir, milli və dövlət maraqlarımızın zərərinə davamlı fəaliyyət göstərirlər. Düşmənlər Azərbaycan Respublikası və Türkiyə Cümhuriyyəti dövlətinə qarşı daim hücum edir, strateji maraqlarımıza qarşıdırlar.
Tarixi torpaqlarımızda türk düşmənləri tərəfindən yaradılan Ermənistan dövləti bizim coğrafi bütövlüyümüzü pozmaqla yanaşı Cənubi Qafqazda sabitliyi və sülhü pozan faktora çevrilmişdir. Sovetlər Birliyinin dağılmasını fürsət bilən, məkirli güclərin himayəsi ilə Azərbaycan ərasinin 20 faiz işğal etmiş təcavükar Ermənistan hakimiyyəti beynəlxalq birliyin qənaətbəxş olmayan fəaliyyətindən yaralanaraq digər ərazilərimizi də işğal təhdidi altında saxlayır. Xüsusilə son vaxtlar ölkəmizin Tovuz bölgəsinə Ermənistan silahlı qüvvələrinin hücumu bu təhdidlərin əsassız olmadığını bir daha ortaya qoydu.
Belə bir şəraitdə Türkiyə Respublikasının silahlı qüvvələrinin Azərbaycan ərazisinə daxil olması millətimiz tərəfindən böyük coşğu və sevgilə qarşılandı. Heç bir hərbi-siyasi blokda təmsil olunmayan və Kollektiv Təhlükəsizlik Müqaviləsi Təşkilatının üzvü olan Ermənistanla müharibə şəraitində olan Azərbaycan dövləti üçün bu addım həyati əhəmiyyət daşıyır. Üzun illər təcavükar Ermənistan və arxalandığı havadarlarla qeyri-bərabər və ədalətsiz münaqişəyə cəlb edilən, ərazi itkisinə məruz qalan, bir milyondan artıq əhalisi qaçqın vəziyyətinə düşən Azərbaycanın qardaş Türkiyə dövləti ilə hərbi-siyasi əməkdaşlığının davamlı olması tarixi zərurətə cevrilmişdir.

Hörmətli cənab Prezident!
Azərbaycanda olan Türkiyə silahlı qüvvələrinin qalıcı olmasını millətimiz üçün həyati əhəmiyyət kəsb etdiyini qeyd edir, Azərbaycan-Türkiyə strateji əməkdaşlığının ən yüksək səviyyəyə qaldırılmasını və iki qardaş dövlət arasında hərbi-siyasi blokun yaradılmasını zəruri hesab edirik.
Azərbaycan üçün belə ağır tarixi dönəmdə verdiyiniz açıq, mənəvi, hərbi-siyasi dəstəyə görə sizə və qardaş türk xalqına dərin təşəkkürümüzü bildirir, türk silahlı qüvvələrinin Azərbaycanda davamlı mövudluğunun təmin olunması üçün real addımlar atmanızı xahiş edirik.