İranlı balıqçılar Xəzərdən tutulan nadir növ balığı inanılmaz qiymətə satdılar - FOTO/VİDEO
İranda Xəzər dənizində tutulan qızılbalıq hərracda 51 milyon tümənə (təxminən 2 min manat ) satılıb.
Bu barədə “Azad İran” “Telegram” kanalı xəbər verib.
Bildirilir ki, balıq alverçiləri bundan kəskin qəzəblərini bildiriblər. Onların sözlərinə görə, belə hallar bazarda qiymət tarazlığının pozulmasına gətirir.
Məsələyə Mazandaran əyalətinin Balıq Təsərrüfatı İdarəsinin rəisi Qasım Kərimzadə də münasibət bildirib.
Onun sözlərinə görə, bu növ balıqlar bazarda icazəsiz satılır.
“Satılan balıq Xəzər dənizinə məxsus nadir balıq növüdür və qanunsuz qiymətə bazara çıxarılıb”.
O, həmçinin vətəndaşlardan qanunsuz balıq satışı ilə bağlı balıqçılıq idarələrinə xəbər vermələrini xahiş edib.
Son yazılar
