Nura Suridən yeni layihə və cazibədar FOTOSESSİYA

Müğənni Nura Suri şou-biznesin sükütunu pozub. O, yeni layihəsini təqdim edib.

Bakunews.media xəbər verir ki, sənətçi bəstəsi Elçin Cəfərova, sözləri isə Azər Şirinə məxsus “Onunla” adlı mahnısını dinləyicilərə təqdim edib.

Hər zaman fərqli və bir-birindən maraqlı fotosessiyalar etdirən N.Suri bu dəfə də ənənəsinə sadiq qalıb. O, yeni mahnı ilə yanaşı, yeni fotosessiyasını da təqdim edib.

Qlamur ulduz kamera önünə bu dəfə seksual və olduqca cəsarətli libaslarda çıxıb. Dərin sinə dekolteli parlaq mavi rəngli əlbisədə ehtiraslı pozlar verən sənətçi şıltaq obrazı ilə diqqətləri üzərinə çəkib.

Nura digər geyimlərində isə daha çox qara rəngə üstünlük verib. Şəkillərin müəllifi peşəkar fotoqraf Məhəbbət Nəsirovadır.

Cazibədarlığı ilə göz qamaşdıran Nura Suri bundan sonra tez-tez yeni işlər təqdim edəcəyini də dilə gətirib:

“Gözlədim ki, 2020-ci il başlasın və yeni layihələrimi təqdim edim. Üç yeni mahnım da var. Bəzilərinə klip çəkdirmək niyyətindəyəm. Ümumiyyətlə, dayanmaq fikrində deyiləm”.