Azərbaycanda mehmanxanaya məxsus əmlak hərraca çıxarılır - SİYAHI
Şəki Kommersiya Məhkəməsində 9 saylı Ərazi Vergilər İdarəsinin “Zərdab Mehmanxana” ASC-yə qarşı siyahıya alınmış əmlakının ixtisaslaşdırılmış açıq hərracda satılması tələbinə dair işə baxılıb.
Bakunews.media xəbər verir ki, idarə iddia ərizəsində “Zərdab Mehmanxana” ASC-nin borcunun ödənilməsinin təmin edilməsi məqsədilə 2000 manat məbləğində əmlakının hərraca çıxarılmasını istəyib.
Məhkəmə verilən iddianı təmin edib. Qərara əsasən, bu əmlaklar hərraca çıxarılaraq satılacaq:
Hər birinin dəyəri 450 manat olan iki ədəd kondisioner;
Dəyəri 500 manat olan bir ədəd soyuducu;
Hər birinin dəyəri 200 manat olan üç ədəd televizor.