Kino Evində uşaqların iştirakı ilə ingilis dilində tamaşa baş tutdu - FOTO
Martın 7-də Azərbaycan Kinematoqraflar İttifaqının dəstəyilə ingilis dilində “Tıq-Tıq” xanım tamaşası nümayiş etdirilib.
Tamaşanı təşkil edən Nağılçının təsisçisi Günel Yaşar Bakunews.media-a bildirib ki, biletlərin satışından əldə olunan gəlir “SOS Azərbaycan” uşaq kəndlərinə ayrılıb.
Nağılı nümayiş etdirən aktyorlar 3-11 yaş aralığındadırlar. Tamaşanın təşkil olunma məqsədi, uşaqlara ingilis dilinin daha maraqlı öyrədilməsinə kömək etmək, nağıllarımızı xarici dostlarımızla bölüşmək və bəzi cəmiyyətimizdə olan problemləri göstərməkdir. Nağıla bəzi əlavələr olunub.
G.Yaşar qeyd edib ki, nağılda qlobal istiləşmə haqqında uşaqların çıxışı hər kəsə maraqlı gəlib. Tamaşadakı çobanın qız olmağı isə qadın və kişi bərabərliyini göstərir.
O əlavə edib ki, bu tamaşa tamamilə könüllü şəkildə hazırlanıb.
Son yazılar
