Yeni tikilən binanın qarşısındakı ağaclar kəsilib? - AÇIQLAMA + FOTO
Bakıda iki ağacın yeni tikilən binaya görə kəsildiyi iddia olunur.
Bakunews.media xəbər verir ki, bununla bağlı sosial şəbəkələrdə məlumat yayılıb.
Hadisə Nizami rayonu, Cəmşid Naxçıvanski küçəsində qeydə alınıb.
Üç il öncə ağaclarının dibi və ətrafının betonlandığı bildirilir. Sakinlər həmin ağacların yeni tikilən binanın qarajının yolu üzərində yerləşdikləri üçün onların gec-tez kəsiləcəyini gözlənildiyi qeyd ediblər.
Məsələ ilə bağlı Bakunews.media-ın əməkdaşı Ekologiya və Təbii Sərvətlər Nazirliyinə sorğu ünvanlayıb.
Ekologiya və Təbii Sərvətlər Nazirliyinin mətbuat katibi İradə İbrahimova Nizami rayonu, Cəmşid Naxçıvanski küçəsində ağacların kəsilməsi ilə bağlı Bakunews.media-ın sorğusuna cavab olaraq bildirib ki, məsələ ilə bağlı araşdırma aparılır:
“Hazırda Dövlət Ekoloji Təhlükəsizlik Xidmətinin əməkdaşları tərəfindən sözügedən ərazidə araşdırma aparılır. Araşdırmanın nəticəsi ilə bağlı məlumat veriləcək”.
Nəzrin Vahid
Son yazılar
