Dünya çempionatında uğurlu nəticəyə imza atan güləşçilərimiz Azərbaycana qayıdıblar

Albaniyanın paytaxtı Tiranada keçirilən güləş üzrə U-23 dünya çempionatında 1 qızıl, 2 gümüş və 1 bürünc medalla komanda hesabında 3-cü yeri tutan sərbəst güləş üzrə Azərbaycan milli komandası Vətənə dönüb.

Bakunews.media xəbər verir ki, Heydər Əliyev adına Beynəlxalq Hava Limanında idmançıların qarşılanma mərasimi olub.

Mərasimdə idman ictimaiyyəti, media mənsubları, azarkeşlər, idmançıların yaxınları, ictimaiyyət nümayəndələri iştirak ediblər.

Xatırladaq ki, milli komandanın tərkibində Maqomed-Başir Xaniyev (70 kq) qızıl, Ruslan Abdullayev (57 kq) və Arseniy Djioyev (86 kq) gümüş, Cəbrayıl Qadjiyev (74 kq) isə bürünc medal qazanıb.