Baydenin nitqini kəsməsi taleyini həll etdi: Ağ Evin yeni sakini oldu - FOTO
ABŞ prezidenti Co Bayden pişik sahiblənib. Heyvana Uillou ləqəbi verilib.
Bu barədə ABŞ lideri özünün rəsmi “Twitter” hesabından xəbər verib.
“Bayden ailəsinə xoş gəlmisın, Uillou!”, - deyə yazan Ağ Evin rəhbəri yaşıl gözlü boz-ağ zolaqlı pişiyin şəklini paylaşıma əlavə edib.
Welcome to the Biden family, Willow! pic.twitter.com/MXLmjhNxBr
— President Biden (@POTUS) January 28, 2022
KİV-in məlumatına görə, pişiyin iki yaşı var. Məlumata görə, prezident cütlüyü heyvanı birinci xanımın məmləkəti Uillou Qrouvun şərəfinə adlandırıb.
Cill Baydenin sözçüsü Maykl Larozanın sözlərinə görə, prezident ailəsinin Uillou ilə ilk görüşü hələ 2020-ci ildə Pensilvaniyada baş tutub. Həmin vaxt pişik səhnəyə atılaraq Co Baydenin seçkiqabağı nitqini kəsmişdi.
O da qeyd olunur ki, Uillou Ağ Evdə son 13 ildə ilk pişikdir. Əvvəllər orada ABŞ-ın keçmiş prezidenti Corc Buşa məxsus “İndia” ləqəbli pişik yaşayırdı. O, 2009-cu ildə ölüb.
Mənbə: Daily Mail
Son yazılar
